自從入冬之後，豆腐都冇乜打野，全因收哂火又邊有得同客開拖，自然冇野打啦，不過都總有例外嘅，個個月飛印度其實都飛到冇哂脾氣，理應冇事發生，點知呀「搖生」辣慶我，咁你就唔好彩啦
「叮叮叮」
👦🏻豆腐「先生有咩幫到你」
👳🏾搖生「我地要食多個餐」
👦🏻豆腐「無問題，但通知返先生我地得返素菜餐，唔知兩位有冇問題？」
搖生一聽到冇雞食就突然發難，用佢隻手指指住我開始爆seed
👳🏾「你唔好呃我，我要食雞，你啲雞收埋哂，你呃我呀？我要投訴，我唔理，我一定要食雞」
聽到呢道，本來都諗住忍下，不過條友仔隻手指越來越大動作仲督左落我塊面，呢個時候機會黎啦
👦🏻豆腐「喺你投訴我之前，我宜家向你發出口頭警告，你不停督我塊面，我認識你嘅行為已經對我構成威脅性，假若你繼續，我會通知機長要求保安接機。第二，我真係冇雞，後面四行全部食素食餐，你投訴都冇辦法，咁你食定唔食？」
👳🏾搖生「朋友，你比乜我都ok，多謝你」
👦🏻豆腐「我唔係你嘅朋友，我宜家拎比你」
姐係咁，我就唔中意浪費嘅，不過你態度好就乜都得，你態度串就乜都冇得傾。我唔明啲人點解以為聲大夾惡就會贏，比人兇返轉頭就笠哂水 🙄
我唔發火咪當我病貓啦🐱
Search